القراءة للجميع...وعجبى

القراءه للجميع؟ طب مش نلاقى ناكل الاول؟ حصريا

القراءه للجميع

[ندعوك للتسجيل في المنتدى أو التعريف بنفسك لمعاينة هذه الصورة]
اكلونا وشربونا

مش ضرورى تعلمونا

الكلام فعلا خطير

والملاين تصرفوها

بس شرط توزعهوها

المدير زى الغفير

كل يوم بنزيد تعاسه

م الزباله والكناسه

خلو عقلى خلاص يطير

زودولنا ف المهيه

ليه عيشتنا هيه هيه

واحنا بنام ع الحصير

موتونا وريحونا

عيشونا واكلونا

انتو غاويين تتعبونا

القراءه ديا ليكم

احنا عاوزين الضمير

وفرو لشبابنا شغله

بالملايين اللى دخله

وانتو نايمين ع السرير

بكفايكو كلام اونطه

م السويس ولحد طنطا

نفسى اضرب مره بونطه

عقلى شت مليش مصير

بس ماما سوزان تطنش

والبطون على طول تنعنش

ناكل الفول بالفطير

نفسى بس اعيش واعلم

مش راح اقرا مدام مبلم

لا كمان راح اكون اخير

زودونا فلوس ونقرا

عيشونا لحد بكره

كلو باع والكل فقرا

غمضو زى البعير

مش هنقرا عشان نعيش

تكنولوجيا خلاص مفيش

زينا زى الضرير

اكلونا وعلمونا

ليه بقا بتعطلونا

مش كفيا تعذبونا

زينا زى الحمير

[ندعوك للتسجيل في المنتدى أو التعريف بنفسك لمعاينة هذه الصورة]
دى القراءه للجميع

والجميع ديما وضيع

واسئلو عبد سميع

فقره كان بكتاب فظيع

مش لاقى يأ كل ولاده

انتحر علشان يضيع

واللى يقتل فينا خوفنا

واللى يقتل ف الرضيع

والقراءه للجميع

والشطاره للجميع

والسجاره للجميع

والدعاره للجميع

مين يزود ف المزاد

ابتدى علشان نبيع

بص دى الكاميرا الخفيه

لو تقول زيع راح نزيع

القراءه للجميع

[ندعوك للتسجيل في المنتدى أو التعريف بنفسك لمعاينة هذه الصورة]