موضوع: (يا كحكة حياتى.. يا غريبة أيامى.. كل سنة وأنت بيتى فور) الأحد سبتمبر 20, 2009 1:59 pm
العيد SMS:
(يا كحكة حياتى.. يا غريبة أيامى.. كل سنة وأنت بيتى فور)
«كلمتين فى رسالة أسرع وسيلة علشان تعيد على الناس» يبتسم (كريم) وهو يجلس وسط أصدقائه فى النادى يتبادلون رسائل عيد الفطر.
والعيد له استعدادات خاصة عند (كريم) وشلته التى يبلغ عددها أكثر من 20 كلهم فى المرحلة الجامعية.
هم يلتقون «قبل العيد أو رمضان بيومين نتبادل الرسايل الحلوة علشان نكون جاهزين».
«بيشحن الموبايل بكارت 100 جنيه»، ليستطيع إرسال ما يقرب من 200 رسالة لأصدقائه والعائلة وجيرانه.
يهتم كريم بشدة برسالة والدته التى اختارها من على إحدى مواقع الإنترنت، ورفض أن يعطيها لأصدقائه حتى لا تنتشر «يا كحكة حياتى، يا غريبة أيامى، كل سنة وأنت بيتى فور».
يرى كريم أن الرسائل القصيرة أفضل من الاتصال «إزاى أكلم ماما أو بابا وأعيد عليهم وأنا عايش معاهم!!».
يعتقد كريم أن الرسالة القصيرة تترك ذكرى حلوة على الموبايل، لكن المكالمة «ممكن تتنسى».
اختار كريم من موبايل صديقه «نهنئكم بعيد شم النسيم.. مع تحيات: جمعية مرضى الزهايمر». «الرسالة دى للبنات علشان حلوة ودمها خفيف»، هكذا يصنفها.
أما للأعمام والعمات وأساتذة الجامعة، اختار كريم رسالة العام الماضى «عيد مبارك ونظيف وشريف.. وكله سرور وجمال وكمال.. مع تحيات الحزب الوطنى»، لأنها فى رأيه حلوة للكبار.
ولأصدقائه فقد اختار كريم أن يرسل «كعادتى كل عام يرسل سموى ــ حفظنى الله ــ برقية تهنئة بالعيد السعيد لعامة الشعب».
ويكتفى أحمد صديق كريم بإرسال «كل سنة وأنت طيب» للجميع فتيات وأولاد، أقارب ومعارف، حتى يتخلص من التفكير المطول فى الرسائل «أصله مش واجب قومى وأنا بحب أنجز. كل الكلام هيقضى الغرض».
التكلفة كبيرة، ولكن كريم يعزى نفسه ساخرا «مش مشكلة أصلها مش بتحصل غير على الأعياد».
يذكر أن الجهاز القومى لتنظيم الاتصالات رصد عدد الرسائل القصيرة المتبادلة بين شبكات المحمول بأكثر من 123 مليون رسالة، بقيمة تصل إلى 37 مليون جنيه وذلك خلال الأسبوع السابق لشهر رمضان فقط.
شمس العمر Admin
. عدد المساهمات : 412 النشاط : 28699 تاريخ التسجيل : 02/09/2009
موضوع: رد: (يا كحكة حياتى.. يا غريبة أيامى.. كل سنة وأنت بيتى فور) الجمعة سبتمبر 25, 2009 12:30 am
كل سنة وحضرتك طيب انا عرفة انها متاخرة بس معلش انا بحب المكالمات اكتر من الرسايل بس عجبنى تصنيف الاستاذ كريم وتوفيقه بين الرسايل والناس اللى بيبعتلهم طبعا مقدرش اقول الا موضوع اكثر من رائع كالعادة
alidesoky عضو زهبي
. عدد المساهمات : 164 النشاط : 28142 تاريخ التسجيل : 03/09/2009 العمر : 41
موضوع: رد: (يا كحكة حياتى.. يا غريبة أيامى.. كل سنة وأنت بيتى فور) الجمعة سبتمبر 25, 2009 12:39 am
اقتباس :
كل سنة وحضرتك طيب انا عرفة انها متاخرة بس معلش انا بحب المكالمات اكتر من الرسايل بس عجبنى تصنيف الاستاذ كريم وتوفيقه بين الرسايل والناس اللى بيبعتلهم طبعا مقدرش اقول الا موضوع اكثر من رائع كالعادة
ولا متاخره ولا حاجه
اهم حاجه انها وصلت
كل سنه وانت طيبه
جزاك الله كل خير
ان شاء الله
(يا كحكة حياتى.. يا غريبة أيامى.. كل سنة وأنت بيتى فور)
موضوع: (يا كحكة حياتى.. يا غريبة أيامى.. كل سنة وأنت بيتى فور) 
الأحد سبتمبر 20, 2009 1:59 pm
